أهلا وسهلاً
تعالى نضحك شوية
ــــــــــــــــــــــــــــــــــــــــــــــــــــــــــ
قال لك هذا واحد المعلم سول ولد واحد البخيل قال ليه : إيلا اعطيت لباك 200 درهم و اعطاه جاركم 100 درهم و اعطاه صاحبه 50 درهم شحال خاصه يرد ؟؟؟؟
- والو ( لاشيء ) يا أستاذ ...
يا ولدي اسمعني مزيان ، إيلا باك اعطيته 200 درهم و اعطاه جاركم 100 درهم و اعطاه صاحبه 50 درهم شحال خاصه يرد ؟؟؟؟
- والو يا أستاذ....
- صافي جلس أنت ما تتعرف والو في الحساب
- و راك أنت اللي ما تتعرفش أبَّـا..ههههه
ـــــــــــــــــــــــــــــــــــ
هذا واحد البخيل شير لواحد مول تاكسي ، و هو يوقف بعيد و عاود رجع للخلف " marche arrière " ، البخيل ركب و هو يسوله واش هاذ الرجعة للخلف " marche arrière " بالفلوس ؟ قال له مول التاكسي لا أسيدي ...البخيل قال له : إيوا صافي رجع بي للدار بالخلف " مارش أريار "
ـــــــــــــــــــــــــــــ
هذا واحد البخيل اشرى تمر ، فتح الأولى لقاها مسوسة و رماها ، فتح الثالنية لقاها مسوسة و رماها ، فتح الثالثة لقاها مسوسة و رماها ...و ناض طفا الضوء و بدا ياكل...
ــــــــــــــــــــــــــــــــــــــــــ
هذا واحد البخيل ديما مصدعه ولده على شمبوان...و هو يشده و صلع ليه ..و شافته أمه و قال ليها اش وقع ليه ..قالت ليه الحمد لله أولدي ما قلتيش ليه يشري ليك معجون الأسنان " dentifrice " كون راه حيد ليك السنان كاملين ..
ــــــــــــــــــــــــــــــــــــــــــــــ
هذا واحد البخيل مشى لكازا " casablanca" و عمره ما شاف البحر ، شافوه بيضاوة عاقو بيه ، قالواْ ليه أش تدير هنا ؟ قال لهم بغيت نعوم ، قالو ليه 10 دراهم للسطل..و خذا من عندهم زوج 2 سطولا و مع الشمس و هو ينعس تا العشية ، ملي فاق لقى الشمس راحت و البحر هربان و هويقول " بايعين و شارييين هاذ أصحاب السطولا"
ــــــــــــــــــــــــــــــــــــــــــــــــــــــــــــــــ
إلى اللقاء...